თითოეული განაცხადი უნდა შეიცავდეს შემდეგ მასალებს, შეკრულს ერთი ZIP არქივის სახით:

01. საპრეზენტაციო ფურცლები

• ორი A1 ფორმატის ფურცელი, პორტრეტული ორიენტაციით, PDF ფორმატში, 150–300 dpi გარჩევადობით.
• ფურცლებზე წარმოდგენილი უნდა იყოს გეგმები, ჭრილები, ფასადები, ძირითადი დეტალები, ფოტომასალა და კონცეფციის ტექსტი.
• ავტორისა და არქიტექტურული ბიუროს იდენტიფიკაცია დასაშვებია.

02. პროექტის აღწერილობა

• PDF დოკუმენტი, 1–3 გვერდი, ინგლისურ ენაზე (ქართული თარგმანი სასურველია, თუმცა სავალდებულო არ არის).
• უნდა მოიცავდეს კონცეფციას, საიტის ანალიზს, პროგრამულ გადაწყვეტასა და ტექნიკურ გადაწყვეტილებებს.
• „Knauf-ის მასალების საუკეთესო გამოყენების“ კატეგორიისთვის აუცილებელია გამოყენებული Knauf-ის სისტემების სრული აღწერა შესაბამისი პროდუქტების მითითებით.

03. ტექნიკური ნახაზები

• PDF ფაილების ნაკრები, რომელიც მოიცავს:

• გენგეგმას;
• ყველა სართულის გეგმას;
• მინიმუმ ორ ჭრილს;
• ფასადებს;
• ერთ კედლის ჭრილს.

 სავალდებულოა მასშტაბის მაჩვენებლისა და ჩრდილოეთის ისრის დატანა.

04. განაცხადის ფორმა

რეგისტრაცია კონკურსის ვებ-გვერდზე და სააპლიკაციო ფორმის შევსება.

მითითებული უნდა იყოს:

• ავტორი / ავტორები;
• არქიტექტურული ბიურო;
• პროექტის მდებარეობა;
• დასრულების თარიღი;
• შერჩეული კატეგორია ან კატეგორიები.

05. ფორმატი და ჩაბარება

• ყველა მასალა უნდა გაერთიანდეს ZIP არქივში, რომელიც დასახელებული იქნება პროექტის სათაურისა და მთავარი ავტორის სახელით.
•  არქივის მაქსიმალური ზომა: 200 MB.
• ატვირთვა ხდება კონკურსის ვებ-გვერდის მეშვეობით.
• მიღების დადასტურება გაიგზავნება მაქსიმუმ 48 საათის განმავლობაში.

06. მონაწილეობის საფასური

• კონკურსში მონაწილეობა უფასოა